如果你去高級西餐Dining，一般嚟講，都有個Sommelier好優雅咁問你想開咩酒，佢遞上一份酒單，無學法文嘅朋友，連名都唔識讀絕對正常。作為男士嘅你，即使對葡萄酒一曉不通，都要聽侍酒師嘅提議，睇住價錢揀返枝，而你其實並唔知道，侍酒師係咪真正理解你嘅需求。遇上呢啲難題嘅巴打，而家美國加州有間Startup公司叫Vinome，稱聲可以憑你嘅D.N.A，就定到咩酒啱你飲。

OK，我明白，第一次聽到呢個Concept嗰陣，我都覺得好誇張；就好似我話俾你聽，用你時辰八字，或者星座去揀酒咁 (而我覺得大多數嘅女士其實係會Buy嘅)，但Vinome嘅技術又似係有啲科學根據喎。

Vinome會分析你基因組合入面嘅10個遺傳標識 (Genetic Marker)，而佢地係同嗅覺、味覺等偏好係有直接關係。當分析完之後，Vinome就會從加州一處小Vineyard度揀選適合嘅葡萄酒俾你。

同有侍酒師嘅餐廳一樣，玩Vinome都唔平架喎，做測試需要至少跟一個3枝葡萄酒嘅Package，呢度都要成幾百蚊美元，想玩下都要認真考慮過先，你同我都知道：D.N.A 科學研究不代表一切，自己試完，知道鐘意咩味才是王道。