《新·福音戰士劇場版:│▌》延期多次後，終於就快上映啦，相信一班Fans都已經等到傻，又或者等到無晒感覺都唔定。不過，當你見到呢幾款《新世紀福音戰士》原創手錶，相信你真係咩感覺都番晒黎！

《新世紀福音戰士》官方商店「EVANGELION STORE」襯住劇場版即將上映嘅氣勢，近日推出三款原創手錶，其中包括初號機、二號機以及NERV嘅款式，售價定為 22,000 日圓 (税入)。

今次三款原創手錶都以鋼錶形象示人，而錶面就係上面提到嘅三款《新世紀福音戰士》主題: 紫色、紅色及金色，而手錶機械採用日本製嘅 MIYOTA 0S10，具防水功能。

今次唔特別講功能啦，因為單睇銀面設計已經覺得好鬼靚，作為收藏或自戴都正，不如就任性一次入手啦。