Bremont於2019年成為皇家御准嘅英國國防部合作夥伴，亦即係只有佢先可以合法使用英國皇家海軍、陸軍及空軍嘅標誌、象徵、紋章黎製作手錶，亦即Bremont Armed Forces系列。而呢個系列最新作品，就係以下嘅Broadsword Bronze。

Broadsword Bronze以海軍為主題，所以刻意使用對鹽水有高抗蝕性嘅青銅作為錶殼物料，並且加入8%鍚進一步提高耐磨及耐蝕能力，青銅亦令腕錶感覺更為復古。而外型設計就來自著名嘅二戰時期「Dirty Dozen」腕錶，當時英國國防部為咗向士兵提供足夠腕錶，所以公開向各大瑞士錶廠提出生產請求，不問品牌，只要你隻錶整出黎符合佢個標準就會入貨，結果Omega、IWC、Longines、Jarger Le-Coultre等12個品牌就生產出一系列黑面小三針，小錶盤位於六點、似但又唔係一樣嘅腕錶，人稱「Dirty Dozen」。

Broadsword Bronze同樣使用小三針設計，但錶面就唔再係黑色，而係改成暗藍色灰色丶藍綠色及「煙草色」，入面就係BE-95-2AV天文台認證自動上鏈機芯。錶底蓋亦鑄有英國三軍徽章，並且於英國生產。喜歡英倫軍事嘅朋友要留意啦 (售價HK$29,250)。