「窩～窩窩窩喎～和窩喎～我眼睛想旅行！」

究竟雷頌德當年寫呢首詞嘅時候係諗緊咩嘅呢？點解係「我眼睛想旅行」而唔係「我個人想旅行」呢？咁如果我個鼻同咀想留喺屋企抖吓，唔通對眼又可以自己去咩？

勢估唔到依家真係有人拍咗條淨係比眼睛去旅行嘅片！喺呢兩分鐘多啲啲嘅時間入邊，同你遊遍西班牙第二大城市巴塞隆拿（Barcelona）！除咗行入舊城小巷之外，仲去埋加泰羅尼亞（Catalunya）國家藝術博物館、加泰羅尼亞音樂宮、聖家堂（La Sagrada Familia）同松樹聖母聖殿（Santa Maria del Pi）等等名勝！足不出戶就行哂咁多個景點，岩哂我呢啲冇錢冇假冇人陪嘅人過吓癮！