拜拜肌肉酸痛運動後冇痛楚的5大要點

文：MenClub Mean娜　　圖：互聯網
POSTED ON 23 Jul 2015

夏天唔只女士要為大地帶來美腿，男士一樣有義務帶來腹肌、胸肌、背肌同人魚線，畀囡囡過一個火辣辣的Summer！Wow！真係諗起都興奮，成地都濕晒（我指滴口水）！

不過練到咁大隻，係有代價的，有做運動嘅男士都知道，做完負重運動後，都會周身酸痛，通常都要3至4日後身體先會恢復，呢種症狀稱為延遲性肌肉酸痛。究竟有咩方法可以避免呢種疼痛感呢？一齊睇吓以下呢5大要點啦！

1.運動前要先熱身
做負重運動前，最好先做低強度嘅有氧運動，例如慢跑等等，可以令肌肉關節放鬆，加速血液循環。

2.任何運動都循序漸進
運動嘅時間及負荷量應該量力而為，一步一步增加，避免一開始就挑戰個人極限。

3.面對新項目要有耐心
對於新嘅運動項目，好多人都會好似小朋友咁，好心急去試，但其實應該要喺教練帶領下進行，如果唔係方式做錯，唔單只會造成肌肉酸痛，更可能會傷害。

4.運動時要量力而為
做負重運動時，要量力而為，特別係冇做開負重運動的話，唔好一次過做太多，覺得攰就好收手，如果唔係第二日會有強烈酸痛感，令你推遲下一次嘅負重運動，長久落去，你做嘅運動就得唔到成效。

5.運動要有規律性
如果冇規律地做運動，好大機會要承受身體不適應所帶來的酸痛感，所以運動應該要堅持，慢慢提升身體嘅忍耐度，並有效減少肌肉酸痛的感覺。

COMMENT

KEYWORD