MOON HOON嘅建築師講，其實呢個計劃係應客人要求先實行，筆者相信嗰個客都一定係男人，先至會出現咁「男人的浪漫」嘅屋。成間屋樓高3層，設計精髓除咗太空艙feel嘅外牆外，梗係仲有刻意加上去嘅斜面外形，令到間屋睇落更cyber，亦有擴闊中間嗰層面積嘅實際優點。聽講，屋嘅最頂層更加內藏密室同滑梯，唔止小朋友啱玩，亦開正童心未泯嘅kidult嗰範。

不過，細個迷《高達》多過《星戰》嘅筆者，就會幻想佢係木馬號入面嘅其中一部分多啲囉。