{ SKIP }
文:MenClub 魏文青  
POSTED ON 19 Jan 2016

 呢個世界上有好多所謂「男人嘅浪漫」,但好老實講,就算係男人都唔會完全明白哂每一種男人嘅浪漫,有時甚至根本就唔明點解嗰種「浪漫」會係「浪漫」。例如酒呢,文青其實就從來都唔明,有啲人仲話隻杯都要有研究,我就更加唔明,至於Bandai出呢隻高達頭酒杯,我就直頭係識條錫添!



點解係識條錫呢?因為佢係錫鑄架嘛!呢兩個酒杯,屬於日本Gundam Cafe嘅「Discovery G」系列,總共有「高達頭」同「紅渣頭」兩款,當中最巴閉嘅就係個製作技術,用上由1609年開始出現嘅「高岡鑄物」技術。先將錫加熱至攝氏240度,再倒入預先整好嘅模具中,冷卻之後再用人手打磨。而且設計.監修都係由大河原邦男老師負責返,質素就一定有保證!


話時話文青識條錫,但一見到「高達」、「日本職人手造」、「大河原邦男監修」呢啲,唔知點解我又好想買返對返黎擺下。售價方面,兩隻套裝盛惠16848Yen(約1110HKD),分開買就一隻8242(約550HKD),即日預訂就4月送貨。貴唔貴就因人而異,我唯一覺得有問題嘅就係當你要用個杯黎裝酒,佢塊面就會向下,即係你一用呢個高達頭酒杯黎飲酒,人哋就睇唔到佢其實係高達頭;如果你唔用佢黎飲酒,人哋又真係以為佢只係一個高達頭……唉人生真係矛盾呀!
P-bandai
Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025