高校不是完結　井上雄彥再畫《Slam Dunk》

文：MenClub 魏文青　　
POSTED ON 21 Dec 2015

睇到呢個標題，你會有兩個反應－－第一，咩都唔理狗衝咗入黎先；第二，然後突然醒起，唔係喎，咁多年黎畀同類型消息呃咗咁多次，冇理由又被人呃多次架喎！嗱嗱嗱，唔好話我呃你呀，因為我都係受害者黎架！「高校不是完結」呢句嘢，唔係我寫，係井上老師寫架！
截圖至：http://slamdunk-sc.shueisha.co.jp/
件事其實就係咁嘅：話說集英社同井上老師早前合力成立咗個叫「Slam Dunk獎學金」嘅計劃，就係資助啲對籃球有熱誠兼天份嘅高校生去美國接受訓練同(順手)讀書。而上個禮拜就開始招募第10期生，井上老師仲親手畫咗上面呢張宣傳圖，圖上面真係雞乸咁大隻字寫住「高校不是完結」架！我冇呃你架！
截圖自：井上雄彥 on Twitter
井上老師事後都話已經有五年冇畫過《Slam Dunk》角色，今次一次過畫哂櫻木、流川同澤北，睇得出形體動作都冇生疏(咁話哂一直都畫緊籃球漫畫)，不過櫻木同流川個面口就…嗯…不過如果你肯畫續作嘅我都OK架，睇多陣我就慣架啦!
スラムダンク奨学金