神人改造高達蟹吉姆蟹大魔蟹

文：MenClub 魏文青　　
POSTED ON 07 Oct 2015

所謂世上神人何其多，數埋數埋有千萬個。好似改裝高達模型咁，早排就有台灣達人「賈斯汀」所製嘅「星矢高達」，近期就有日本神人「どんぐり」。不過佢就唔係將高達模型改成其他作品、亦唔係將其他作品改做高達，而係將愛爾蘭魔蟹(MSM-003 GOGG)改成「一年戰爭」入面嘅其他機體！

根據佢個Blog同Twitter講，將魔蟹改成其他機體呢個想法，佢係十年前就已經有，估唔到今時今日可以將其實體化。目前佢製作咗出黎嘅就分別有高達、吉姆、格魯古古同大魔買款。而且唔好以為佢只係改個塗裝咁簡單，而係會重新整過個頭、身、腰甲等部份！
例如為咗做出「高達蟹」個頭嘅「耳仔」，佢直接劏開咗佢個頭兩邊，慢慢撐闊之後再用0.5Miripla板砌出氣柵。而要由原本單眼嘅「愛爾蘭魔蟹」改成有眼有鼻有咀嘅高達，亦代表要大幅削掉原本塊「面」。
吉姆蟹
就算係毫無違和感嘅「大魔蟹」，因為腰部同胸甲設計原全不同，所以要先補上兩個鐳射炮口，然後又再鑽返個出黎。
格魯古古蟹
自細隻手就震到柏金遜咁嘅文青，砌模形嘅技巧就真係停留喺「砌」嘅階段，不過自細睇落唔少啲模型改裝比賽，啲人唔係好畀心機將幾十部高達砌埋一堆，就係整個好靚嘅場景出黎。不過我覺得「どんぐり」呢種改裝方法就真係好賞心悅目，至少如果佢真出Figure我會想買架！
pochimalu blog