荷里活大導演Steven Spielberg（史提芬史匹堡）相隔多年再度挑戰外星人題材，為觀眾帶嚟全新科幻電影《Disclosure Day（揭密日）》﹐預計明年6月正式上映。

從預告可見，Emily Blunt將會飾演一位氣象主播，但某次直播天氣報告期間，突然受到一股神秘力量影響，彷彿被附身咁發出令人毛骨悚然嘅「咔噠」聲。而Josh O’Connor則飾演一個決心將外星生命真相公諸於世嘅男子，認為全球70億人有權知識真相。預告片隨後快速帶出多個畫面，包括麥田圈、飛車追逐同怪異動物等，暗示地球存在未知嘅外在生命。

《Disclosure Day》由Steven Spielberg親自執導，並聯同《侏羅紀公園》第一、二集編劇David Koepp共同撰寫劇本。演員陣容亦非常強勁，邀請到Emily Blunt、Josh O’Connor、Colin Firth、Eve Hewson、Colman Domingo等多位實力派演員參與演出。電影目前劇情仍然保密，只係知道係同外星人同UFO有關。