為實現每年賣出一億套遊戲嘅長遠銷售目標，Capcom計劃透過推出全新續作、重製版（remakes）以及移植版等方式，重振《洛克人》、《逆轉裁判》同《惡魔獵人》等沉寂多年嘅經典IP。

Capcom近日發布2025年綜合報告，社長兼營運總監辻本春弘指出，為保持公司每年10%或以上嘅營業利潤增長，以及達成每年賣出一億套遊戲嘅長遠銷售目標。除咗會繼續專注於《生化危機》、《魔物獵人》、《街頭霸王》等核心IP，Capcom未來亦會擴展更多產品線，其中包括重振《洛克人》、《逆轉裁判》同《惡魔獵人》系列。為其推出全新續作、重製版（remakes）以及移植版等作品，期望藉此吸納更多新玩家，進一步提升品牌影響力，務求將呢啲系列打造成能夠媲美《生化危機》、《街頭霸王》等備受歡迎嘅「核心IP」。為咗做到呢點，官方表示已著手招募更多開發人員，同時正擴建位於大阪嘅開發中心，預計2027年完工。

事實上，《洛克人》系列自2018年《洛克人11》後，就一直未主線新作；《惡魔獵人》亦同樣自2019年《惡魔獵人5》後就一直處於沉寂狀態；而《逆轉裁判》系列過去幾年都係以舊作移植／合集為主（即係炒冷飯），真正嘅續作已經要數到2016年嘅《逆轉裁判6》。

雖然Capcom今次未有具體透露全新作品嘅內容或推出時間，但可以肯定係——呢三大經典IP已重新列入公司未來發展重點，各位Fans們拭目以待吧。