日本《龍珠》官方因應手機遊戲《Dokkan Battle》推出十週年，所以從上個星期五起，就於X上舉行抽獎活動，得獎者將會獲得由悟空及比達以不停方式合體而成嘅「悟基塔」以及「比古洛」真人裝束——你話你印象中呢兩個角色唔係咁嘅名？以下就同大家睇睇呢兩套衫嘅細節，順手考查呢兩個角色名於不同版本嘅變化！

\\ 祝！ #ドッカンバトル10周年 //
ドッカンバトルの10周年を記念して、【ベジット衣装】【ゴジータ衣装】を抽選で各1名様ずつにプレゼント！

① @DB_official_jp をフォロー
②この投稿に #DragonBall40th をつけてメッセージを引用RP
→【ベジット衣装】… pic.twitter.com/UzIyKWFk7Q

— ドラゴンボールオフィシャル (@DB_official_jp) February 14, 2025

熟悉《龍珠》嘅Fans應該都知，「悟基塔」及「比古洛」都係由悟空同比達合體而成。當中「比古洛」嘅出場時間較早，早於《龍珠Z》嘅魔人布歐篇中就出現，合體方法係各自戴上界王神嘅一隻耳環後「撞埋」而成；而「悟基塔」就出現於1995年劇場版《龍珠Z 復活的融合!!悟空和比達》，二人利用悟天格斯相同步法合體而成。

而兩個角色嘅日文原名，其實係悟空（日文羅文拼音：Goku，）或其本名格古洛（Kakarotto）與比達（Vejita）兩個人嘅名字合體，例如「比古洛」日文名叫「Vejito」，就係比達嘅「Veji」加格古洛嘅「To」，所以「比古洛」呢個譯名的確同時兼具「角色名中文翻譯特色」以及「先比達後悟空」兩個特質。問題係，當年文化傳信引入《龍珠》漫畫時，係將個角色名叫做「格古達」，所以唔少有睇過當年版本嘅人，都會先入為主將佢記成「格古達」。

而「悟基塔」嘅情況同樣複雜。日本原名係叫「Gojita」即悟空嘅「Go」加比達嘅「Jita」，但當年文化傳信嘅港版將佢譯做「格比達」，雖然冇咗個「悟」字，但就成為香港地區嘅慣用譯名。直到2018年港台兩地嘅Bandai Namco將其正名為「悟基塔」，算係重新譯嘅新名。

道着の着用法を再現したシルク調の帯、艶感のある手袋、細部までこだわりがつまっています。 pic.twitter.com/VqU3YiXBEQ

— ドラゴンボールオフィシャル (@DB_official_jp) February 14, 2025

黒革のアームカバーとジャケット、道着の着用法を再現した上質な陰影感の帯、こちらも細部までこだわりのつまった一着です。 pic.twitter.com/dU6urvmsr1

— ドラゴンボールオフィシャル (@DB_official_jp) February 14, 2025

好，解釋完兩個名，依家終於可以介紹一下兩件衫。用耳環合體嘅「比古洛」保留咗悟空同比達兩個人戰鬥服嘅特色，所以「性感」程度稍遜，細節之處在於用上絲質布料，所以表面略有反光增加質感，同時附送皮手套；而「悟基塔」就有造型誇張嘅皮短背心，同樣以絲質布料製成嘅褲及腰帶，手上亦有皮質護腕。

如果你都想參加抽獎，只需要先追蹤日本龍珠嘅官方X，轉發抽獎帖文並標記「#DragonBall40th」，再講低你想要「ベジット衣装」（比古洛）定「ゴジータ衣装」（悟基塔）則可。今晚11:59分截止啦。