2022年曾有傳HBO正開發一部以Jon Snow為中心嘅Got衍生劇集，背景設定在原劇之後，講述Jon Snow被放逐到鬼影森林 (Haunted Forest)後嘅故事。然而時隔兩年都未有消息，最近Kit Harington接受訪問時就透露，其實該劇已暫停開發。

於《Game of Thrones》飾演Jon Snow嘅Kit Harington日前為宣傳新作《Blood for Dust》接受外媒《ScreenRant》訪問，坦言Jon Snow劇集早已停止開發，以及團隊所面臨嘅挑戰：「目前嚟講，劇集已停止開發，因為我哋搵唔到一個足以令大家都感到興奮嘅故事，所以我哋決定暫時擱置。或者喺未來某個時間點，我哋會重新繼續構思，但現階段確實已暫停開發。」

雖然Jon Snow衍生劇遙遙無期，不過各位Got迷都唔使太過傷心，另一部衍生劇《House of Dragon》第二季將於今年6月16日播出。