據外媒《GameRant》報導，最近任天堂申請一項全新專利，內容為一部揭蓋式雙螢幕掌機，從圖中可見呢款遊戲機類似過往嘅DS系列，同樣採用上下雙螢幕設計，但唔同嘅係機身外部仲有多一塊螢幕，即使合埋部機都可以透過外螢幕操作主機。除此之外，呢款掌機仲可以拆開一分為二，變身成兩部能夠獨立運作嘅裝置，透過無線連線方式讓兩位玩家一齊遊玩同一款遊戲。

不過，申請專利又唔代表一定會製作成商品販售，有時候只係為咗保護潛在產品，但至少反映到任天堂正探索掌機更多可能性。若然呢款裝置有望正式問世，相信會令唔少DS系列遊戲起死回生。