《你想活出怎樣的人生 (君たちはどう生きるか)》雖然貴為日本動畫大師宮崎駿第七次復出嘅重要作品，但由公佈、製作，甚至7月中於日本上映時，除咗一張頗為抽象嘅電影海報之外，就冇發佈過任何宣傳物料，預告、劇照等都通通欠奉。直到近日，電影於日本上映滿一個月後，吉卜力嘅官網先首次發佈《你》嘅多張劇照，等大家一窺電影面貌。

《你》改編自日本小說家吉野源三郎於1937年發表嘅同名小說，講述因太平洋戰爭而喪母嘅少年牧真人，與一隻識講人話嘅蒼鷺之間嘅魔幻旅程。電影於日本上映首週末吸引過百萬人入場，票房高達16.26億Yen，為吉卜力有史以來最高首週票房，截自8月初時日本票房為54.8億Yen。

不過電影嘅口碑就頗為兩極。鍾意嘅人表示電影「具有強烈訊息」、「動畫精彩」，但唔鍾意嘅人就表示「故事難以理解」，更有人形容電影為「124分鐘的苦行」。而電影於日本多個評論網站嘅得分，都只獲得中等水平。

電影目前未公佈香港上映時間，但預計會於今年尾、明年初左右上映。台灣方面則定於10月6日上映。

資料來源：吉卜力工作室