由鬼才導演Tommy Wiseau自編自導自演，被譽為史上最佳爛片嘅《The Room》宣布推出全新翻拍版本，睇嚟觀眾又係時候準備掟欖球同匙羹喇！

據外媒《Slashfilm》報導，為慶祝電影上映20周年， 志願者組織「Acting For a Cause」宣布翻拍《The Room》重啟版，以幫助amfAR（愛滋病研究基金會）籌集資金，並搵嚟《Better Call Saul（絕命律師） 》男星Bob Odenkirk出演男主角Johhny。事後Bob Odenkirk亦係個人Twitter證實有關消息，仲話自己玩得好開心，會盡心盡力投入拍攝，但目前未知Tommy Wiseau會否參與製作。

This is real. This is true. And let me tell you, I tried my best to SELL every line, as honestly as I could...and I had a BLAST https://t.co/v261E1DKnG

— Mr. Bob Odenkirk (@mrbobodenkirk) March 9, 2023

由Tommy Wiseau自編自導自演嘅2003年電影《The Room》，由於劇情無厘頭、台詞九唔搭八，加上超越常理嘅拍攝手法，而被外界封為史上最爛電影，其中美國電影人Ross Morin更將其形容為「爛片界《Citizen Kane（大國民）》」。但同時因為爛得太出色，吸引到一班另類影迷追捧，《蜘蛛俠》導演James Franco更喺2017年將電影製作過程翻拍成偽紀錄片《The Disaster Artist（荷里活爛片王）》，向神作致敬。

Best cast Best crew Best day

And even better- the whole thing is to raise money for AMFAR, an amazing charity

So excited for you all to see THE ROOM starring Bob Odenkirk, Bella Heathcote, and Brando Crawford pic.twitter.com/dRM50iSe9r

— Cameron “Ron” Kasky (@cameron_kasky) January 15, 2023