經典美劇《Breaking Bad（絕命毒師）》講述一位罹患末期肺癌嘅化學老師，為生計而走上犯毒之路，劇情緊張刺激深受全球影迷喜愛，亦係唔少人心目中嘅必看神作。經常出售荷里活電影道具嘅拍賣公司Propstore Auction，最近就拍賣一條男主角Walter White喺沙漠製毒所穿著嘅原味白色底褲，隨即引起網民熱烈討論。

據網站說明，呢條白色棉質內褲配有藍黃條紋彈性腰帶，並保留咗Walter White飾演者Bryan Cranston穿著時嘅污跡，以$1,250美元起標，經過15次競投後，目前價格已上升至$6,000美元（約$47,000港幣）。距離拍賣結束仲有10日，相信最終成交價會更高！

除此之外，網站亦有拍賣Walter White製毒時所用嘅防毒面罩及護目鏡、1979年《Alien（異形）》嘅發光頭盔，以及《Better Call Saul（絕命律師）》多年服裝及道具，有興趣嘅朋友可以了解一下。