有睇開動畫或打機嘅朋友，係咪都好想品嚐一下啖啖肉嘅「漫畫肉」呢？最近有日本公司推出肉骨造型陶瓷廚具，等大家可以喺屋企自製漫畫肉！

呢款陶瓷肉骨由愛知縣「瀨戶燒」工匠們純手工製作，每支長達26cm、重250克，共有「白色」及「自然色」兩種款式選擇，能夠應用於焗爐、微波爐、蒸鍋、燒烤架等烹調器具。用家只要將肉片或麵包包住肉骨上放入焗爐，即可還原二次元世界美食，同時可以模仿動漫人物，直接拎起成嚿肉嚟咬。

如果大家都有興趣自製漫畫肉嘅話，不妨到日本Amazon訂購，售價為每支5,000日元（約HK$298）。