從事印刷油墨、有機顏料嘅日本化學品製造商「DIC株式会社」，日前搵嚟人氣女星吉岡里帆宣傳旗下最新黑色隔熱塗料，但就因為玻璃容器外形神似情趣玩具而引起網民討論。

吉岡里帆於廣告中化成身成熱愛化學嘅「DIC岡里帆」，熱情地向一位女高中生介紹手上嘅黑色塗料，表示該塗料即使黑色亦唔會發熱，能夠有效反射近紅外線、抑制熱吸收，有助減少冷氣使用，節約能源、善待地球。最後更將呢樽黑色塗料送埋畀女高中生，滿臉笑容欣然離開。

廣告曝光後，唔少心邪網民見到呢個特殊玻璃樽都聯想到情趣用品「肛塞」，目前官方已經關閉YouTube影片留言區。翻查資料，其實有個類似嘅實驗器材叫做Pear Shaped Flask（梨形燒瓶），唔知大家覺得吉岡里帆究竟拎住啲咩呢？