由重野秀一創作嘅經典賽車動漫《頭文字D》風靡全球，主角藤原拓海嘅座駕Totota AE86更被捧成漂移神車，係唔少男士嘅日系Dream Car。最近日本廠商Camshop就推出一款Totota AE86造型嘅無線滑鼠，用得又擺得。

滑鼠由ABS樹脂材質打造(即係膠)，尺寸為13cm x 5.1cm x 3.95 cm、重220g，並獲得Totota及講談社官方正式授權。左右鍵及滾輪設置於引擎蓋位置，車側亦印上「藤原とうふ店（自家用）」字樣，而且通電後車頭同車尾燈仲識得發光！

另外，滑鼠更會附送一塊由原作者重野秀一繪製嘅滑鼠墊(共有兩款，隨機發貨)。有興趣嘅朋友可以到Camshop網店訂購，售價為6,600日元（約$385港幣），預計1月中旬發貨。