《男兒當入樽》最新劇場版《THE FIRST SLAM DUNK》上周六喺日本正式上映，短短兩日就突破12.9億日圓票房、吸引約85萬人觀看，但可惜電影並冇用上經典片尾曲「直到世界的盡頭...（世界が終るまでは…）」，令唔少老Fans感到遺憾。不過唔緊要！原唱上杉昇喺電影上畫翌日就推出重新錄製及編曲版本，並於Spotify、Apple Music及Amazon Music等串流平台上架，等大家可以好好回味一下。

順帶一提，新編版「直到世界的盡頭...」亦會收錄喺上杉昇出道30周年紀念專輯《永劫回帰II》，有興趣收藏實體唱碟嘅朋友可以考慮入手。