幾時都話有選擇先有競爭，有競爭先會有進步，即使跑鞋亦都一樣!

由法國運動品牌DECATHLON全新推出嘅跑鞋KD900X，就讓各位跑手多一個選擇，甚至係一個更好嘅選擇！

KD900X係黎自DECATHLON旗下跑鞋品牌KIPRUN，今次品牌夥拍法國創新物料開發領導者Arkema，研發由Pebax®物料製成嘅 VFOAM 避震中底泡棉，跑鞋可跑長達1,000公里，係一款全掌碳板跑鞋。

跑鞋性能對於一個跑手黎講絕對係非常重要，而KD900X嘅動態性能，就比傳統跑鞋高出 20%，並有效提高 75% 回彈力。另有測試跑者著住KD900X跑達1,000公里，耐用性十足! 另外，鞋嘅組件用上更輕巧嘅物料，好似42號鞋碼嘅重量就只有225g，令你每跑一步都更省力。

KD900X試著

今次試著呢對KD900X跑鞋，感覺相當不錯，即使係一對全新上腳嘅鞋，亦沒有半點不適，跑者可以非常快適應。而同鞋嘅介紹一樣，鞋嘅重量非常輕，對腳嘅負擔接近係零。而跑起上黎，其爬地力十足，即使地下有濕滑，亦沒有半點要滑倒的感覺。

簡單評測: 實在、輕巧省力、爬地力強、有推進感