四年一度嘅世界盃，今年將落戶卡塔爾舉行，而為左避開炎熱嘅天氣，所以將賽事退遲至11月舉行，以配合較適合嘅比賽溫度。

而全新賽事，當然要有全新波衫，adidas 日前發佈全新德國、阿根廷、西班牙、墨西哥和日本國家隊主場及作客球衣，並會於今年世界盃期間著用。

今次世界盃波初創作，adidas由致敬古老文明米斯特克（Mixtec）藝術嘅墨西哥隊客場球衣，至以摺紙鶴文化為靈感嘅日本球衣，不同配色嘅球衣及多元化設計，象徵各國獨特性，配合球衣上前衛圖案，寓意放眼未來。

今屆adidas世界盃波衫延續經典設計，以運動表現及可持續發展為設計重心，其中波衫以再生聚酯製成，當中德國、阿根廷、西班牙、墨西哥和日本嘅球員版球衣，包含50%以海洋塑膠廢料回收再造而成嘅高效能環保物料Parley Ocean Plastic製成，力求減少海洋污染。