屋企做家務，相信唔少人依家都係吸完塵，之後再拖地，有無得同一時間兩樣野一齊做? 你以為無咩? 咁你就錯啦，仲要唔使你做添呀！

Xiaomi 推出全新全能掃拖旗艦掃拖機械人 X10+，功能上進一步升級，配有一個清潔艙，內設 2.5L+2.5L 污水及清水水箱，可滿足 100 平方米嘅屋企，拖足 3 次地，全程自動清潔，集吸拖、清洗拖布、烘乾等功能，唔使你洗，唔使你晾，實行真真正正全自動。

智能清潔艙會因應水箱水量以調整回洗嘅密度及次數，當X10+遇上地毯，拖布盤會好醒咁自動升起，避免回洗時造成二次污染。智能清潔艙仲有超強摩打，透過兩條循環風路，一吹一吸自動高效集塵，將塵盒內嘅塵，吸走並傳送至智能清潔艙入面嘅自動集塵袋，塵盒常用常新，30 日唔使你清理!

智能清潔艙會自動喺掃拖機械人出黎清掃前，幫佢注滿水，令佢可以持續濕潤拖地，拖布唔會越拖越乾。同時，X10+配有雙旋轉加壓拖布，可以強力去除頑固污蹟；拖地後，拖布只需 2 小時快速烘乾，包保乾爽無異味。

X10+更設有超感知立體識別避障系統，激光導航，360度全屋掃描，讓佢做起野上黎可以更精準規劃清掃路徑，減少被困及纏繞，亦都唔會做成傢俬傷害。X10+ 吸力最大為 4000Pa ，具有 2 小時續航，夠晒持久啦。

小編用後感：

X10+功能確實係非常全能，試用過後見證到佢掃地及拖地同時進行，而拖完嘅地板濕潤程度令人滿意，唔會太濕搞到容易滑倒。同時，X10+就算面對屋企部份非常狹窄及高低不平的位置，都可以輕鬆越過。另外，其掃拖嘅仔細程度亦非常足夠，可以睇到佢真係每一個可以去到嘅位置都會完成拖掃步驟，所以以後掃地同拖地真係可以放心交比佢。

不過，由於X10+設有一個大基站去為佢充電及換水，所以需佔用屋企一個比較大既位置，而X10+自己亦都比較大隻，所以可能唔太適合部份香港較細嘅單位，但正所謂「魚與熊掌不可兼得」，佢可以長時間唔使自己處理，可能就要犧牲一下空間啦。

X10+建議零售價

HK$5,999

7月31日前購買，更可享早鳥優惠價 HK$5,499