MCU今年首部重頭戲，萬眾期待嘅《奇異博士 2：失控多重宇宙》（Doctor Strange in the Multiverse of Madness）將於5月4日喺香港正式上映，今日官方就公開最新預告以及多張新海報，揭露更多內容！

從短短一分鐘嘅預告片以「Dream」為題，講述博士及緋紅女巫兩人都深陷惡夢，前者就夢到女友Christine Palmer婚俾第二個，而後者就夢到兩位失蹤嘅孩子，除咗閃過多個動作場片，嚟自第二個時空嘅「黑化版博士」更打開額頭上嘅第三隻眼。

除此之外，官方亦以Screen X、RealD、IMAX、Dolby等放映規格分別推出多張新海報，唔知狂熱Fans們會唔會再次化身成柯南，研究下堆新海報有冇隱藏住啲咩玄機呢？

《奇異博士2：失控多元宇宙》由「蜘蛛俠三部曲」導演Sam Raimi執導，並聯同《Loki》編劇Michael Waldron共同撰寫劇本，除咗「奇異博士」Benedivt Cumberbatch、「緋紅女巫」Elizabeth Olsen、「王」黃凱旋，就連《X-Men》嘅「X教授」Patrick Stewart亦有份參演。故事將承接《蜘蛛俠：不戰無歸》，講述博士因為幫蜘蛛俠施咒導致多元宇宙失衡，於是尋求老拍擋「王」以及「緋紅女巫」幫助，共同對抗嚟自唔同宇宙嘅神祕敵人。