由「魂系」遊戲製作人宮崎英高及《冰與火之歌》作者George R.R. Martin聯手打造嘅奇幻RPG大作《Elden Ring 艾爾登法環》推出後大獲好評，即使難度頗高又唔易上手，仍然吸引大批玩家加入成為「褪色者」展開冒險。根據PC平台Steam嘅最新數據，《Elden Ring》最高同時上線玩家人數已突破95萬大關，打入Steam歷史紀錄第6名！條數你又有冇份貢獻呢？

根據SteamDB數據顯示，日前Steam版《Elden Ring》錄得953,426人同時上線，成功超越Amazon嘅多人線上遊戲《New World》成為Steam有歷以嚟第6高同時上線人數遊戲，同時亦係Steam上第2高多人玩嘅單機遊戲，僅次於《Cyber​​punk 2077 》。考慮到《Elden Ring》只係推出咗約2星期，話唔定會有更多新血加入，最終成績能夠突破100萬！

除此之外，雖然Steam版初上市嗰陣因為掉幀、閃退等問題而獲得唔少負評，但經過官方幾次更新後，問問題已經大致上修復，所以目前評論已從當初嘅「褒貶不一」變成「極度好評」。