如果有廉航平價機票但目的地係13個地方隨機抽出，呢種咁有趣的機票你會唔會考慮試玩？日本人的答案係熱烈搶購。日本廉價航空公司樂桃航空（Peach）8月推出第一彈的機票扭蛋讓大阪市民可以由大阪出發，飛往日本國內的13個隨機機場，呢種機票扭蛋推出之後大受歡迎，於是樂桃航空決定推出第二彈，今次由東京成田機場出發，日本人又將引爆第二輪搶購熱潮。呢種買機票方式好像相當好玩，個機票扭蛋仲要只係賣5,000日圓！不要去羨慕不要去妒忌.....

呢種機票扭蛋真係一台扭蛋嚟㗎！放係大阪心齋橋ＰＡＲＣＯ大樓內！事緣要回到今年8月16日，日本廉價航空公司樂桃航空（Peach）係大阪設置左一台賣機票扭蛋機，讓大家可以用5,000日圓的價格扭蛋一次，隻扭蛋內包含一張由大阪關西國際機場出發機票，飛去日本國內13個隨機地點！估唔到一部機仔推出以來大受歡迎引發網絡熱潮，於是樂桃航空決定推出第二彈今次由東京成田機場出發！相信如果喺香港嘅話應該都係排隊黨先至買到，正常人應該好難買到！

機票可能降落的13個地點由北海道到沖繩應有盡有，充滿驚喜元素。呢項創意活動立刻係日本網路上引爆話題，並且吸引好多網紅、YouTuber前去拍片推波助瀾，令到扭蛋機設置短短一個月，就賣出多達1,000個轉蛋！第二彈活動將機台設置係東京澀谷，並且航班改由東京成田機場出發，飛往日本國內12個隨機地點！地點少左一個，唔包飛去近近地的新潟！第二彈活動將會明日（10月13日）星期三登場，應該都會引爆新一輪搶購和網紅搶拍的熱潮！第一彈機票有效期限是到明年（2022）的3月31日。