《龍珠》作為全球最受歡迎嘅動漫之一，由普通撒亞人到今日嘅自在極意悟空及破壞神比達，其故事至今仍然繼續進行，而明年最新一套劇場版亦將登場，電影名稱為《龍珠超：超級英雄》。

而近日，官方就正式釋出最新嘅預告片及劇中多位新角色及其造型，當中最受關注嘅相信就係悟飯與比達麗個女 - 阿包。阿包在正傳中出現嘅次數唔多，其中就只有劇場版《復活的F》及《龍珠》擊敗布歐後10年的天下一武道會，當然喺《龍珠GT》就係主角之一。

而今次阿包則終於喺《龍珠超》正傳中現身，以時間線黎講呢套劇場版應該係處於「格蘭諾拉復仇記」之後。

另外，幾個角色嘅造型亦相繼曝光，好似無限、魔童、新敵人以及新嘅紅帶軍人物。而家就一齊睇最新嘅預告片啦！