相信買得iPad嘅你都應該需要一個保護殼，以免一時甩手咁就欲哭無淚啦。而另外，需要經常使用文書功能嘅你，加入埋iPad專用Keyboard亦係非常建議的，如果唔係下下用Mon打字真係搞唔掂架。

咁早排Logitech就推出左全新配備可拆卸鍵盤嘅Combo Touch iPad保護殼，當然第一時間拎黎試用下啦。而呢款全新嘅Combo Touch支援第3至5代嘅 iPad Pro 11吋、iPad Pro 12.9吋及iPad Air 4的。

用左一排Combo Touch，佢嘅優點都唔少，首先價錢比Apple原廠Keyboard更平更親民，令你唔使考慮咁多，更何況消費券岩岩又派左啦。另外，Combo Touch嘅用料亦十分有質感，精緻厚實，鐵灰色嘅設計亦唔使擔心輕易弄髒。

而令用家Feel good嘅相信就係佢嘅磁吸式設計可以輕易分開將iPad及Keyboard，令你輕鬆轉換使用模式，同時其磁吸力度亦十足牢固，背後支架亦十分堅固非常，令用家可以安心使用。

除此之外，Combo Touch上嘅功能列，好似調較音量、光線等，亦都非常方便快捷，採作亦十分流暢，體驗非常好。

而Combo Touch唯一缺點就係，當你於保護殼進行安裝及取出iPad嘅時候，可能需要一定嘅力度先可以完成，認真可能少啲力都整唔到。