今日稍早時間舉行嘅「新。幪面超人對庵野秀明展」記者會，官方正式公布《幪面超人系列》50周年企劃作品《新．幪面超人》主演陣容，由池松壯亮以及濱邊美波分別擔任男女主角，並公開兩段預告片，預計2023年3月上映。

『 #シン・仮面ライダー 』出演者の発表です。
本郷猛／仮面ライダー　#池松壮亮 さん
緑川ルリ子　#浜辺美波 さん

御期待ください。 pic.twitter.com/QweYprPSS7

— 『シン・仮面ライダー』【公式】 (@Shin_KR) September 30, 2021

由東映製作嘅《幪面超人系列》始於1971年，歷年嚟陪伴過多代人童年成長，為慶祝系列誕生50周年，官方喺今年4月就宣布以首部作品《幪面超人》為原型，推出電影《新．幪面超人》，並搵嚟《EVA》導演庵野秀明執導，重新詮釋經典。等咗咁耐，官方終於喺今日公布兩位主演人選，池松壯亮將會飾演「洪大龍」、而濱邊美波就飾演「綠川琉璃子」，至於幕後製作團隊就邀請到《宇宙戰艦大和號2199》出淵裕以及《新世紀福音戰士》山下育人、前田真宏多位業界猛人加入。

另外，官方亦公開咗兩條參考1971年版本製作而成嘅預告片，配埋經典歌曲《レッツゴー!!ライダーキック》即刻充滿「昭和味」，唔知大家聽到第一句「蛇媽LU，SHORT架！」係咪所有回憶都返晒嚟呢！片中亦曝光全新設計嘅「旋風號」，電影預計2023年3月上映。