炒賣、黃牛總係打擊不斷，而香港就有「試當真」以奇特嘅賣票方式嘗試阻止黃牛黨，你估日本方面又有咩方法打擊黃牛? GUNPLA 近期就推出人氣商品『 RG 1/144 Hi-ν Gundam』，而為防炒家當道，故決定以特別方式售賣產品。

作為著名最強駕駛員阿寶嘅機體v-Gundam嘅小說版後繼機，Hi-v Gundam人氣一向高企，所以基本上炒賣係必然會出然的，而其中大部份炒家都係黎自日本及中國，佢地通常都會聘請大量排隊黨搶貨，要打擊呢班人有咩招數呢? 其中佢地對中國炒家就詢問對方購買嘅機體叫咩名，而有部份竟然答「Pokemon」，大佬專業少少得唔得呀，真係影衰我地偉大嘅中國。

另外，店員亦會問買家知唔知日本嘅消費稅率係幾多，如果答唔出10%的話都係會被請離開。

有消息指，部Hi-v Gundam已經極速被搶購一空，而網上亦隨即出現達1.5至2倍嘅炒價，亦即係話今次嘅打擊黃牛手法未有太大效果。

其實之前日本亦有部份模型舖有唔同嘅打擊黃牛方法，其中就會要求買家必須即場剪下零件，以阻止對方以新貨方式出售。