相信有睇過《魔動王》嘅朋友都有返咁上下年紀，好彩嘅（又或者唔好彩啦）都已經成家立室，個仔都識得扭計買玩具，但係你又有冇諗過得閒重拾一下童年回憶，畀阿仔睇下自己兒時嘅動畫呢？最近有YouTube頻道就免費公開高清正版《魔動王》動畫，而且仲要係日語原配！

《魔動王》係緊接《魔神英雄傳》嘅作品，所以戲路都係差唔多。講述一名地球少年抽中去月球旅行嘅機票，之後到長耳族人發生一連串嘅事，同樣以「地、風、水」元素做主題，主角們分別駕駛「地隱俠」、「風飄俠」、「水捲俠」打倒壞人，最後成為英雄救世主。

目前第一集已經喺YouTube頻道「Ani-One Asia」上架，嚟緊將會每日下晝3點更新一集，有興趣嘅朋友記得留意。