{ SKIP }
文:MenClub 艾力克  圖:互聯網
POSTED ON 16 Jul 2021

美國長壽喜劇動畫《阿森一族》(The Simpsons)自1989年推出至今,共播出超過700集,因為曾經成功預言過特朗普成為總統、迪士尼收購二十世紀霍士、Lady Gaga喺Super Bowl嘅表演內容,而被封為「預言級」動畫。最近維珍銀河就喺Twitter貼出一張截圖,意指《阿森一族》7年前就預言過創辦人Richard Branson會上太空,隨即引起網友熱烈討論。

據外媒Deadline指出,將截圖係嚟自2014年3月23播出嘅《阿森一族》第25季第15集「The War of Art」,講述藝術贗品製作師Klaus Ziegler向Lisa Simpson吹奏佢嘅假畫,並聲稱佢嘅假畫可以為全世界人類帶來快樂,而圖中喺飛船入面欣賞緊畫作嘅人就係Klaus Ziegler。由於Klaus Ziegler呢個造型同維珍銀河創辦人Richard Branson極為相似,所以網民都紛紛表示「阿森一族又中」,成功預言Richard Branson上太空。不過都有網友表示Richard Branson早於2004年就創立維珍銀河並承諾將遊客送上太空,所以今次唔算得上係真正嘅「預言」,只可以話係佢哋推測成功。

正如開頭所講,《阿森一族》已經唔係第一次「預言」成功,以下就係比較出名嘅例子。

Lady Gaga吊威也喺Super Bowl玩空中飛人。

特朗普成為美國總統。

迪士尼收購二十世紀霍士。

資料來源:deadline
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025