日本Luxman 今年已經係成立95年，作為音響界的一個里程碑，公司特別推出一款非常復古吸引力強大的特別版合併機L-595A SE，限量只生產300部，早前香港都有水貨引入，不過今次講的唔係日版，而係220V國際版本終於推出，睇個外型設計就知道呢部L-595A SE 類似於經典L-570E A 類合併機，當年1989年推出成為Luxman 最暢銷的型號之一。呢部機只得30W但其A類特別古董聲除左有奶油般滑溜磁性人聲韻味，仲有新世代的改進結合加強的分析力同動態，總之感覺同現今Luxman其他當代型號合併機截然不同，係懷古傷今追憶往年最好的器材。我保證呢部機入手除左聲音讓人把持唔住，機價絕對保值！

我認為最吸引就係復古型面板，一眼睇落所有選擇按鈕都係鋁製，音樂旋轉按鈕有LED 燈。古典得來非常現代，上層散熱板係Luxman特式通風區隔。A類擴大肯定需要良好的通風散熱。正面採用雙色調配色設計，底部使用黑色氧化鋁，賦予 L-595A SE復古又有創新元素獨特的外觀。同樣係前面板，您會發現耳機插孔、音調控制和喇叭選擇器按鈕。同舊機唔同，新作配備遙控器，全機重達 27.7 公斤。

雖然係有復古味，但Luxman並非就咁推出舊機重推，反而內部經過完全重新設計，採用左 Luxman 最新技術，包括三級、三重並聯推挽放大擴音設置和全新的反饋電路。仲有一個新的 LECUA1000 電子控制音量調節，帶有 88 級放大器電路，可實現平滑的音量控制。音頻輸入信號到喇叭輸出使用最短路徑，底板使用鍍銅鋼板屏蔽，減少外部噪聲的影響。主體安裝左高密度化震鑄鐵支腳以最大限度減少振動影響。

L-595A SE 的額定功率為每通道 30 W（8 歐姆），包括一系列線路電平和平衡輸入，以及內置的 MM/MC 黑膠唱盤放大電路，故此用家可以連接合適的黑膠盤。各位Luxman愛好者，作為音響發燒友一定喜愛呢個別注合併機，但想買除左需要行動迅速，仲要擁有雄厚財力。L-595A SE 僅限生產300 部，售價為約10萬。買到你就賺到，快！