K11創辦人鄭志剛鍾情藝術大家都知——如果唔知，你睇下兩個K11一個叫「Art Mall」一個叫「Musea」就會知——所以K11亦經常舉行各類藝術展覽，為尖沙咀帶來幾分藝術氣息。最新搞嘅就有周杰倫與蘇富比聯合舉行嘅「CONTEMPORARY CURATED: ASIA」預展，展出包括Jean-Michel Basquiat、趙無極、畢加索等人嘅作品，仲擺埋周杰倫過往曾經使用過嘅鋼琴、演唱會服裝添。

「CONTEMPORARY CURATED: ASIA」其實係由周杰倫與蘇富比一齊舉行嘅拍賣會，而所有藝術品都係由策展人周杰倫挑選，當中包括80年代著名美國表現主義藝術家Jean-Michel Basquiat於1985年創作、登上同年《紐約時報》封面的《無題》、Pablo Picasso於1969年創作、囊括藝術家眾多晚期作品關鍵題材的《男子半身像》、Richard Prince的《逃脫的護士》等名作。另外周杰倫亦捐出於《不能說的秘密》中所使用嘅古董鋼琴、以及其於《地表最強》演唱會中使用的三套表演服裝作慈善拍賣。

Jean-Michel Basquiat  《無題》

Pablo Picasso 《男子半身像》

Richard Prince 《逃脫的護士》

趙無極 《14.05.63》

《不能說的秘密》中的鋼琴

《地表最強》演唱會服裝

而K11就負責於6月11至18日期間，於Opera Theatre展出「CONTEMPORARY CURATED: ASIA」的拍賣品。會場佈置同樣由周杰倫創作，話希望觀眾「感受到作品與它們所屬的時空」。亦將舉行一系列講座及活動，探討當代藝術與流行文化的交匯。

要注意嘅係，如果想入場嘅話要先去蘇富比個網站登記。開放時間亦每日唔同。詳情可以去返蘇富比個網站睇。

L21，K11 ATELIER，Victoria Dockside
6月12日，下午３時至晚上７時
6月13 至 17 日，早上11時至晚上 7時
6月18 日，早上11時至下午 5時
（展出拍賣之藝術作品）

參觀者須預先登記，成功預約者將收到確認電郵，入場人士須出示確認電郵方可進場 。