{ SKIP }
文:MenClub 艾力克  
POSTED ON 10 Jun 2021

Rockstar Games旗下嘅《GTA》系列,一向緊貼時下潮流與時並進,曾經就喺《GTA 5》加入過唔少搞笑彩蛋及股票系統,等玩家唔使打打殺殺都可以炒股致富。最近就有爆料人士聲稱《GTA 6》將會引入加密貨幣元素,當玩家完成任務唔單只有Game錢作獎勵,更可以獲得遊戲內嘅加密貨幣(注意:唔係現實嘅加密貨幣),意味著呢款人氣遊戲將會間接推動加密貨幣熱潮。不過,唔知咁樣做會唔會加深咗犯罪份子先用加密貨幣嘅想法呢?

最近著名爆料者Tom Henderson透過Twitter表示,《GTA 6》將會引入類似Bitcoin嘅加密貨幣,當玩家完成某啲任務將會得到加密貨幣作為獎勵,而且每種加密貨幣都有一個經紀人(broker),股票市場系統亦會回歸。起初唔少網友都以為Tom Henderson只係搞吓笑,但佢隔咗一陣再出一條tweet強調自己唔係講笑,並表示呢款貨幣可能唔會叫Bitcoin,但一定係加密貨幣。不過佢最後亦戴晒頭盔咁話隻Game未出之前,一切都有可能會發生。

《GTA 6》概念圖。(圖片截自:screenrant

雖然有關消息純屬傳聞,仍未得到官方證實,但考慮到Tom Henderson係遊戲界著名爆料人士,曾經多次講中《Battlefield(戰地風雲)》及《Call of Duty(決勝時刻)》情報,最近佢就講中最新一集Battlefield叫《Battlefield 2042》,所以可信度相當之高。唔知《GTA 6》又會唔會加多個類似Elon Musk嘅角色,經常亂噏搞到加密貨幣大起大跌呢!

資料來源:news.bitcoin.com

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025