廣受Reddit WSB版散戶熱捧嘅「Meme股」美國電影院線AMC，尋晚差唔多升咗成倍，收盤大漲95.2%至每股62.55美元，目前市值更超過標普500指數一半成分股。為答謝一眾散戶嘅支持，AMC宣布推出「AMC Investor Connect」計劃，贈送免費大爆谷回饋各位小股東，而且人人有份，就算得1股都送。

根據AMC說法，各位股東只需要喺特定頁面進行登記，即可免費獲得一桶大爆谷，優惠卷會喺登記後7日內新增到股東AMC戶口，到時憑虛擬會員卡就可以換領，可惜優惠只適於美國AMC戲院，香港嘅股東們就無份食啦。

由於疫情問題，AMC喺上年曾一度面臨破產邊緣，但多得Reddit WallStreetBets (WSB)版散戶炒起AMC，令公司股價屢創新高，從上年年底大約2美元左右升到現時嘅62.55美元，而WSB散戶所追捧嘅股票更被媒體歸類命名為「Meme股」（Meme stocks）。

資料來源：bloomberg、cnbc