{ SKIP }
文:MenClub 艾力克  
POSTED ON 12 May 2021

唔少人為咗保持身材及健康,平時都會有運動習慣,但隨著疫情反覆搞到GYM Room又開又關,有人就索性買個任天堂Ring Fit喺屋企邊打機邊健身。最近就有日本學者發現,原來任天堂Ring Fit除咗可以減肥,仲可以改善腰背痛(Low Back Pain)患者疼痛。唔知呢篇研究出街後,Ring Fit銷量會唔會急增呢?

結衣BB曾經代言過任天堂Ring Fit。

最近日本一班醫學健康專家於學術期刊《Games for Health Journal》刊登論文,指出任天堂Switch遊戲《健身環大冒險》能夠緩解腰背痛患者疼痛,並提升患者「疼痛自我效能(Pain Self-efficacy)」,即係一個人喺疼痛嘅狀態下,都能夠正常工作咁解。

研究人員隨機搵咗40名性慢腰背痛患者平均分成兩組人,一組人(實驗組)每禮拜玩一次40分鐘《健身環大冒險》,而另一組人(對照組)就透過食藥治療疼痛。經過維期8個星期嘅測試後,再對兩組人嘅生理疼痛進行測量及分析,評估佢哋嘅疼痛情況、疼痛自我效能以及對運動嘅恐懼。

實驗組(RFA group)以及對照組(Control group)治療八週後疼痛及心理檢查結果。(圖片截自:Games for Health Journal)

最終發現,任天堂Ring Fit確實能夠有效改善患者腰背痛同疼痛自我效能,但患者對運動嘅恐懼就未有緩解。研究人員對研究結果表示,《健身環大冒險》比起做物理治療更平,而且方便使用,患者能夠喺無物理治療師嘅情況下改善痛症,最緊要係《健身環大冒險》嘅遊戲元素可以驅散患者堅持鍛煉。唔知呢篇研究出街後,Ring Fit銷量會唔會急增呢?

資料來源:Games for Health Journalはちま起稿

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025