{ SKIP }
文:MenClub 艾力克  
POSTED ON 07 May 2021

Microsoft創辦人Bill Gates與妻子Melinda Gates離婚一事震撼全球,除咗「分身家」一事成為眾人焦點,外界亦不斷猜測兩人分開真正原因。當大家仲討論緊會點「分身家」嗰陣,外媒《Fox Business》就突然出咗一篇有關Bill Gates翻譯員嘅報導,似乎暗示離婚同呢位中國女子有關。當事人好快就走出嚟回應「本來覺得空穴來風會不攻自破,沒想到越傳越瘋」,強調事情與佢無關。

(圖片截自:微博@同傳王喆

據了解,Bill Gates翻譯員王喆今年36歲,係一名廣州人,後來移民去美國,畢業於有「翻譯界哈佛」之稱嘅蒙特雷翻譯學院(MIIS)。從2015年起喺「Bill & Melinda Gates Foundation(比爾&梅琳達蓋茨基金會)」擔任翻譯,精通中文、英文、西班牙語、日語、德語、法語6種語言,擁有9年同聲傳譯經驗,另外仲會教人彈鋼琴同中國舞,可以稱得上多才多藝。

王喆於微博澄清傳聞。(圖片截自:微博@同傳王喆

隨著事情不停發酵,當事人王喆於5月5日喺微博表示,原本以為呢啲空穴來風嘅消息會不攻自破,但無諗到會越傳越癲。令佢好地地嘅五一連假冇咗,叫人唔好晒時間喺毫無根據嘅謠言上,否認一切「二奶」傳聞。

資料來源:Fox Business微博@同傳王喆

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025