香港娛樂圈素來充滿門戶之見，唔係自己人唔好講出樣合作，連提下個名都有人覺得益咗你。不過隨住近年大家「睇Youtube」多過「睇電視」，香港娛樂圈嘅未來亦應該會由Youtube創作者們帶領，而香港Youtube界似乎就冇呢啲門戶之見。

早前由《試當真》游學修牽頭，搵黎另外三個香港著名Youtube頻道《小薯茄》、《啱Channel》及《FHProduction (熊仔頭)》合作，雖然未知究竟合作做啲咩，但今日四個頻道以及演員們都Post出「曬馬」大合照，已經令人期待。

在 Instagram 查看這則貼文

游學修 Neo Yau（@neoyau19）分享的貼文

上排左起

「尷尬哥」Louis、游學修、「混血肥仔」曾達恩、高Ling、熊仔頭、蘇豪

藍仔頭、許賢、林家熙 (Locker)、鄧博軒 (Vectra)、岑珈其、蝦條哥、程人富

陳苡臻 (Jessica)、米露迪、阿冰、葉芊蕙、林呈風 (Bie)、麥欣童 (Sue)、倪安慈 (Kathy)、「九龍皇帝」嘉盈

樊沛珈 (阿Gi)、陳穎欣 (Yanny)、劉展翹 (Jackie)、杜以辰 (小喬)、蔡曉童 (童童)、阿Me、鄧麗英、Santis Chan

游學修於昨晚率先Post出大合照，四台加埋近30位演員聚首一堂，堪稱人才濟濟，更重要嘅係幾乎個個你都講得出名 (男演員我唔敢講，但班女嘅你都唔識就真係幫你唔到)，星味比起某大台台慶更足！游學修於發文指：「本土娛樂的新浪潮，講就講咗好耐，自己俾人叫新演員叫咗五年，說穿了就是一代人無法向上爬。直至2021年，不論歌、影、視、網，每天的新聞都告訴你，改朝換代真的要開始了，不管你預備好未。」

在 Instagram 查看這則貼文

Pomato 小薯茄（@pomatohk）分享的貼文

而《小薯茄》亦Post出同場另一合照，並提供是次「四台合作」嘅更多詳情，指4月20日晚上七點半開始，四台將會以 《啱Channel》、《FHProduction》、《試當真》、《Pomato 小薯》嘅順序於YouTube開Live。

在 Instagram 查看這則貼文

FHProductionHK熊仔頭（@fhproductionhk）分享的貼文

《試當真》、《小薯茄》、《啱Channel》及《FHProduction》皆以Youtube短劇起家，亦曾製作不同類型綜藝節目。四個頻道嘅演員亦曾參加ViuTV劇集又或電影演出。