日本香川縣上年通過《網路・遊戲成癮對策條例》，軟性規定未成年青少年打機時間及時段。隨住條例生效剛滿一年，政府教委會公布成效調查報告，竟然發現學生雖然打機時間少咗，但沉迷症狀增加。

（圖片截自：KSB瀬戸内海放送）

香川縣喺上年4月實施《網路・遊戲成癮對策條例》，規定未成年青少年每日最多打60分鐘機、放假就90分鐘。另外，如果要打機或使用手機，初中及小學生最夜只可以玩到晚上9點，而高中生則為晚上10點。雖然違反條例並未有任何罰則，但呢種無理嘅規定一直備受爭議，除咗引起議員批評，更有學生透過眾籌方式集資，打算上訟推翻條例。

（圖片截自：KSB瀬戸内海放送）

最近香川縣教育委員會公布條例成效調查報告，發現學生雖然打機時間少咗，但沉迷症狀增加。香川縣教委員喺上年9-10月調查咗縣內4881位「小學4年級」至「高中3年級」學生，回答每日只玩「1-3小時」嘅人數比三年前有所增加。但關於沉迷傾向嘅8個症狀調查，具有5個症狀以上嘅中學生比例由3.4%升到6.3%；高中生則由2.9%升到4.6%。

（圖片截自：KSB瀬戸内海放送）

對於呢種「意外」結果，有日本學者表示遊戲成癮同遊戲時間無直接關係，並唔係減少遊戲時間就可以解決沉迷打機，遊戲成癮係一個綜合性難題。

資料來源：KSB瀬戸内海放送