FILA一向比人嘅感覺都係較為正經同以品牌行頭行先嘅運動品牌，但近日佢地就同來自日本福岡嘅畫家PePe Shimada合作，推出以喵星人為主角嘅主題，與往日形象形成強烈對比。

PePe Shimada過去以畫可愛嘅貓貓為主，將每一隻喵星人都賦予好強嘅個性，並以擬人法繪畫佢地，令佢地變得識彈結他、揸巴士、影相等等，非常可愛。

而今次FILA就將Pepe Shimada嘅作品放上其服飾上，令其變得更加充滿活力及可愛，但又不失FILA本身個性，可以話係一次難得嘅融合。

唔單止咁，今次FILA更特別請黎愛貓之人Gin Lee一齊同香港拯救貓狗協會(HK Saving Cat and Dog Association) 合作，宣揚「領養，不購買動物」嘅關注，希望提升大眾對愛護動物嘅意識，珍惜生命。