想當年《新世紀福音戰士》一播，學校班男同學就不停拗「有波冇口嘅綾波麗做女朋友好啲」定「冇波多口嘅明日香做老婆好啲」，唔經唔覺十九幾年過去，唔少好命 (or 唔好命，視乎觀點與角度啦下) 嘅人都搵到現實嘅老婆，而如果你未搵到，依家只需要14萬就可以「娶」一個綾波麗返屋企啦！

食住《新．福音戰士劇場版：||》上映條水，專門推出等身大可動人偶嘅日本廠商「PAPER MOON R」日前推出咗等人大嘅綾波麗可動人偶。雖然「PAPER MOON R」早年就已經推出過綾波麗同明日香嘅等身大人人偶，但當年嘅造型就係校服，新版就改為EVA嘅作戰服 (Plug Suit)，全高158cm，重10kg，附送台架。

只於老婆…I mean 呀綾波麗個樣還原度都唔錯，頭髮就用上藍灰色植髮。唯一就係件作戰服下身有啲鬆，唔夠養眼囉。

呢個綾波麗等身大可動人偶售價為198萬Yen，即係大約14萬港紙，仲提供保養服務幫你修補任可損傷。特別要提嘅係佢只係一個「正常人偶」，唔包你諗緊嘅特別功用。