唔知大家去日本玩嗰陣有無去過大板或橫濱「合味道紀念館」自製杯麵呢？最近小弟收到風，日清「合味道紀念館」將登陸香港，落戶尖沙咀中港城，不過門票價格及開幕日期就暫時未有消息，有興趣嘅朋友請密切留意。

據了解，日清為慶祝即食麵發明者安藤百福先生111 歲誕辰，宣布成立佔地近10,000呎嘅「合味道紀念館香港」，館內會以「安藤百福創造力之旅」為主題，開設三大打卡位及三大體驗工作坊。

三個體驗工作坊入面，除咗有一向叫好叫座嘅「我的合味道工作坊」同「出前一丁工作坊」，畀參加者自由搭配材料製作獨一無異合味味杯麵同出前一丁。另外更設有全球獨家限定嘅「榖物麥片工作坊」，讓參加者從中了解新產品誕生背景及製作過程。相信第時開幕後，帶女朋友或者小朋友去玩返幾個鐘打發下時間都唔錯。