有玩音響的朋友肯定認識JBL，尤其佢經典的喇叭43xx系列，最好賣的依然係Model 4310的家用版叫做JBL L100，而JBL亦依靠呢個經典型號，不斷借屍還魂重出又重出，2016年JBL 70週年推出100 Classic喇叭，今年又到75週年推出100 Classic 75喇叭。有咩唔同？這等同流行經典50年天皇又再重臨，唱來唱去都係那些歌同一位偶像同一隻舞，大同小異不過喜好經典的朋友依舊認為昔日水準高味道好，所以復古設計音響喇叭歷久不衰，一得閒就來舊瓶新酒。

實際上又唔係完全無新的道理，除左喇叭其實JBL同時推出左全新的串流立體聲擴音機SA750，老實這是吸引的但對我來講無咩特別，所以此文並不多談，日後有機會再另文介紹，今次想介紹的100 Classic 75喇叭正正是75週年慶典推出來匹配同廠擴音機。100 Classic 75 採用強烈 JBL 特色的黑色 Quadrex Foam Grille即方格棉喇叭網面，加上優雅的柚木貼皮的造型，延續廠方於 70 年代時所推出的 L100 經典設計。喇叭前後均設有限量版徽章，而紀念牌上更有 Chris Hagen 系統工程師的簽名，以及每個喇叭的獨立序號。相信可以俘虜每一個JBL 用家的心。

同過去的型號無咩唔同，依舊採用三路三單元設計，分別為 1 英寸的 JT025Ti2-4 鈦合金球頂高音（設有聲透鏡波導孔），5 英寸的 JM125PC-8 紙基錐盆中音，以及 12 英寸的 JW300SW-8 紙基錐盆低音組成。廠方當然聲稱大改進將 L100 Classic 75 的低音單元的懸掛設計重新改良，讓低頻表現更為出色，背後設有雙線分音連接柱，同時喇叭定價包括原裝 JS-120 落地腳架實行賣大包。JBL L100 Classic 75將於2021年4月開始發售，定價為每對5,500美元。

相信對一眾JBL支持者而言， 此喇叭聲音極具吸引力同時甚有收藏價值， 肯定依然非常值得購買。