耳機經已係都市人嘅移動音響，我唔特別好耳機但對於設計特別有型嘅款式，總有種霎時嘅衝動感，尤其係金屬感強烈嘅設計。日本耳機品牌Acoustune就精於運用雙層金屬設計以極高辨識度的外殼迷惑人心，最新推出較入門的 HS1300SS，以入門級價位配上全新金屬運用去撞色。如果你係機械人狂熱愛好，呢款耳機一定中正心懷，靚係音響領域可能膚淺，但係商業世界，靚加上靚聲，真係一等一吸引力法則！

Acoustune 其實一直以來都有推出雙層金屬設計，之前對上一級別款式叫HS1500，今回推出較為入門即平價版本HS1300SS，係參照HS1500 系列改良，再用上全新外殼設計，據說佩戴感及音色更勝從前，如果你未接觸過日本Acoustune 日製的高度精良品質同性價比，你絕對可以一試。

Acoustune 耳機向來使用自家研發 Myrinx 動圈單元，HS1300SS 選用不鏽鋼箱體， Acoustune 特別改良當年 HS1551CU 的單元，集合多年技術和經驗，開發出第 3.5 代 Myrinx 單元。重新審視震膜表面紋理、線圈、磁鐵組的設計，並再一次為單元調音，令 HS1300SS 擁有收放明快、具震撼力的低頻表現，音場開揚廣闊，同時具有清晰人聲，聽日本韓國流行曲特別出色。

 HS1300SS 採用Pentaconn Ear換線插頭，針對高階入耳式耳機而設，比起MMCX更加穩固耐用，插頭與插座接觸得更緊密，傳導性能更加出色。而在安裝、拆除時亦較MMCX更簡單方便，能減低意外損壞插頭的機會。跟機的線材是 Acoustune 最新為 HS1300SS 研發的 8 絞耳機線 ARC61，由 366條幼細的 OFC 銅材去組成每一絞線芯，阻抗極低，引發出耳機豐富的低頻量。Pentaconn SLIDER 特別用到 OFC 無氧銅製作，擁有出色制震效果，減低線材的聽診效應之外，更提升音質，表面鍍銀處理不只美觀，亦可防止磁干擾，貫徹改善音質的目標。

HS1300SS今次耳機外殼一眼就睇到有大改進，安裝插座的鋁箱體及安裝單元的不鏽鋼箱體均以 CNC 技術製成，不鏽鋼箱體有著媲美鈦金屬的硬度，有著出色的抑震效果，加上兩個箱體完全獨立分離，將相互間的干擾減到最低。除左係設計上更徹底實踐雙層外殼概念， HS1300SS 更特別加長左耳機管道，並加入「2way Nozzle」設計，係管道上設有兩個將耳膠固定的卡位，無論用家耳廓大定細都可以佩戴得舒適穩固。顏色方面就再一次選用 HS1551CU 的紅色及藍色，向 AcoustuneHS1500型號作致敬。當然，好人如我入迷於其外觀，根本唔多理其實，我一見到對耳機就覺得好好襯我屋企嘅高達模型。

首批訂購 Acoustune HS1300SS 的客人，即可獲贈 Pentaconn SLIDER 精緻金屬Y-splitter 一件，價值 $280 ，數量有限，送完即止。

(首批限量預購為各色50套)

HS1300SS 產品規格

單元：10mm 第 3.5 代 Myrinx 動圈單元

頻率響應：10Hz – 25kHz

靈敏度：110dB/mW

阻抗：32 Ohms

配件：ARC61耳機線、4款/9對AET耳膠、便攜盒、耳機線夾

顏色：Rojo 紅色、Azul 藍色

建議零售價：HKD 2,580