{ SKIP }
文:MenClub 魏文青  
POSTED ON 10 Dec 2020

George Lucas一手創立《Star Wars》系列,以及背後嘅Lucasfilm,但佢卻於2012年將數十年心血出售予Disney,唔少Fans都認為係令近年嘅《Star Wars》電影失去精髓嘅主因,亦令人質疑George Lucas當日出售Lucasfilm嘅決定。近日作家Paul Duncan就公開咗佢於2015年與George Lucas一次訪談內容,揭露當年交易嘅原因。

George Lucas於訪問中回應:「可以於新東西開始之前就離開對我黎講係比較好,對我來說時間比金錢更加重要…我非常遺憾自己冇真正睇過《Star Wars》——當隻太空船於銀幕上出現真係被震驚到. 下次我就可以好似普通人咁享受電影。」然後佢解釋,當時嘅佢其實已經準備好開拍自己嘅後傳 (即係7,8,9集),但咁啱佢個女又出世,「拍一個三部曲要十年,2012年 (賣Lucasfilm嘅時間) 我已經69,所以個問題係,我係咪成世人都Keep做呢樣嘢?我係咪又要由頭經歷過哂所有嘢?最後我就決定湊女同享受下自己嘅人生。」

至於「唔賣Lucasfilm,但搵其他人黎拍新三部曲」嘅想法,就被自稱係「咩都管」嘅George Lucas自己否決咗,佢話佢知道自已係冇辦法坐埋一二邊咩都唔理,結果只會令佢好沮喪。

圖片:Wikipedia

「我用咗成世人——40年——去創立《Star Wars》,放棄佢係一件非常、非常痛苦嘅事,但同時亦係正確嘅事。」至於Disney主導嘅新三部曲,George Lucas就話,「我本來以為自己都可以影響下佢哋,話哂個頭都係我開,但最後佢哋就想拍其他嘢。世事往往都不能盡如人意,人生就係咁。」
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025