每一個成功男人的背後都有一個偉大的女人，美國總統特朗普背後有佢個女伊凡卡·特朗普(Ivanka Trump)，佢係特朗普政府的高級顧問，亦都係今次選戰的超級關鍵人物，伊凡卡比起佢老豆更受歡迎，今次選戰特朗普全家出動日日分散出席競選活動拉票，伊凡卡以女神式旋風參與各個不同競選活動表現突出，只計佢單拖一個人出席的競選活動自8月以來已經募款總收入已超過3500萬美元，為上屆串咀話唔駛募集錢I am really rich的特朗普成功募到好多選舉經費，9月仲打破前總統歐巴馬單日募款紀錄，成為美國史上單日募集最高紀錄，要記得佢並非實際參選總統候選人，佢只是候選總統個女兼國家高級顧問，如果特朗普最終成功當選， 深得民心的伊凡卡·特朗普居功至偉。

伊凡卡·特朗普（Ivanka Trump）係特朗普（Donald Trump）第二個子女，係佢父親好多商業活動中擔當重要角色。佢曾擔任特朗普公司執行副總裁，經營過自己的時裝品牌，最著名係曾擔任特朗普總統政府的高級顧問。佢於2017年1月加入白宮，並被授予`總統的第一女兒和高級顧問''的頭銜。身邊仲有絕對不能睇少的丈夫Jared Kushner係特朗普政府中也舉足輕重，丈夫Jared Kushner於2017年3月被任命為高級顧問。雙方在白宮期間都曾大量參與好多外交事務，並經常在海外爭端中擔任美國外交官，最令人讚賞係表現係近期為美國成功拉攏以色列與阿拉伯國家成功破冰，為中東新局勢帶來全新的改變。

在過去的三年半總統任期中，伊凡卡確切角色一直受到關注，尤其係佢與父親同其他世界領導人一齊係2019年G20峰會上擔任主要角色之後。伊凡卡係白宮官方網站上的個人資料列出其主要職責：“為婦女及其家庭的教育和經濟賦權以及創造就業機會和經濟增長”。伊凡卡出席競選時相較於自己的爸爸來講，絕對溫和好多。而特朗普正正依靠伊凡卡拓展女性票源，並靠佢吸金投票日前確保擁有足夠資源，能夠在全國發放競選廣告。所有特朗普唔擅長的，對於婦女問題等等都係由伊凡卡出面爭取助攻。

當中特朗普今次選舉中支持度下降的關鍵問題來自郊區婦女，要穩回票源就要靠伊万卡更加審慎的公眾人物形像以及其與共和黨女支持者建立聯繫的能力。拜登係搖擺州的郊區女性選民中民調係領先，不過伊凡卡“作為一名職業母親，一直致力於改善婦女的生活，伊凡卡以最貼地的形象理解當今美國家庭面臨的問題。”並將特朗普的施政成果以另一種穩陣非浮誇的方式進行宣傳。伊凡卡·特朗普可以從政策顧問以及親密家庭成員的角度對特朗普總統的成功發表講話–呢個係今次競選活動中非常有效的組合。”一剛一柔，當然今日作為美國總統正式點票開始，如果特朗普最終輸左，無咩再值得探討，但如果佢贏左，伊凡卡·特朗普絕對會係一個致勝關鍵同背後奇招。