小朋友的能力可以做到咩野？除左係房打造飛機，聰明的小男孩仲識做實驗，將房間變成核聚變試驗場，《健力士世界紀錄大全》就剛剛追認一位12歲的美國小男孩Jackson Oswalt成功係自己房用氘原子（Deuterium）實現核聚變，佢同阿爸講「我利用電能令2個氘原子一齊加速，將佢地融合成氦3原子，並釋放出可加熱水的中子，推動蒸汽機運作，然後產生電能。」如果我仔咁同我講，我只能應一句「叻仔」。據說佢的實驗理論上可以令溫度升高至1億度的能力，好彩佢成功無爆炸並向家人承諾不會進行「全面核聚變」實驗。

有說小朋友潛能無限，美國就有個少年天才科學家出現，佢今年已經15歲，但幾年前當佢12歲時就已經成功係自己房間做左一場偉大實驗，利用「氘原子」實現核聚變。呢位少年Jackson Oswalt話佢受到自學的核物理學家泰勒·威爾遜（Taylor Wilson）啟發，決定建立屬於自己的小型核聚變裝置，並且將計劃問准家人答應開始嘗試，而少年人自己其實都唔太確定這呢項實驗能否安全，不過為了滿足好奇心仍舊開始進行，最後居然順利成功。拍埋片放上Youtube，仲得到《健力士世界紀錄》認證，成為全球最年輕成功實現核聚變反應的人，由於項目複雜，故健力士世界紀錄要搵專家進行認證需要時間，所以今年15歲的Jackson Oswalt剛剛才成功得到《健力士世界紀錄》，而實驗已經進行並成功左2年幾。今個月8號Jackson Oswalt係YouTube發布影片，並宣佈獲得7.5萬美元的獎金，目前佢無再做更多相關的研究，不過佢正關注研究下一個研究做咩好。

如果香港都有天才識研究核聚變呢門咁複雜的野，香港地居住環境密度高，千萬唔好係房間做，要做請去空曠地方例如政府總部有美麗綠地可以任做核聚變。