日本人玩音響總係有好多特殊配件同另類研究，音響玩家都知道用玻璃去做音響一定會有好多不良後果，玻璃易受聲音震動高音變尖，好多人避之則吉連家中有的玻璃係音響聲學中都全部取走而後快，不過日本有個新品牌SONIC IMPACT偏偏專心用科學研究改用防彈玻璃夾層做音響架，多層內部高質量高強度加上透明觀感成功制勝，今回仲研發同一物料黑膠轉盤墊，將呢塊薄防彈玻璃墊係黑膠轉盤之間就可起阻尼作用明顯改善聲音，日本人總係有新發現，想試就要「磅水」買！

呢間日本全新專門用防彈玻璃做音響配件的公司叫SONIC IMPACT，佢地有款新出黑膠轉盤墊“ TGTS01”，如上面所述，用左就好聲，盛惠38,000日元（不含稅）即2719港幣。貴唔貴就睇你有幾火熱於音響，如果真心有用好聲，相信對音響迷而言，死慳死抵食樹皮都係抵。

廠方將呢件野形容為聲波衝擊“ TGTS01”，用防彈玻璃夾層玻璃技術是由Network Japan公司(即佢母公司！)係2016年開發的，據說是通過反复實驗和純聽覺實測創造的。SONIC IMPACT的防彈音響架“ XU03FSS”就成功示範防彈玻璃的神奇威力。

呢個黑腦轉盤墊主體尺寸高8毫米x 295毫米，質量為1.35千克。日本人向難度挑戰，總能搵出新領域，係咪又點醒左大家，無錯，你都可以去訂兩塊工業用防彈玻璃，只要無「音響」兩隻字所有野會平好多！試完記得話我知結果！